પ્રેમમાં ક્યાં જાણકારી જોઈએ?

પ્રેમમાં ક્યાં જાણકારી જોઈએ?
બસ, હ્રદય વચ્ચે કટારી જોઈએ

- મૂકેશ જોષી

મિત્રો જ મારા જખમને ખણે છે…

દરદથી નીતરતી કવિતાને ખાતર, ચાહે છે બધા મુજને બરબાદ જોવા.
મલમની કરું શૂન્ય કોનાથી આશા? કે મિત્રો જ મારા જખમને ખણે છે.

- શૂન્ય પાલનપુરી

છે હાથ હાથમાં છતાં મીલોની દૂરી છે…

છે હાથ હાથમાં છતાં મીલોની દૂરી છે,
મજબૂરી સાથે રહેવાની વચ્ચે ઢબૂરી છે!

ઘણું સારું થયું, આવ્યા નહીં મિત્રો મને મળવા..

ઘણું સારું થયું, આવ્યા નહીં મિત્રો મને મળવા
અજાણે આમ હાલતની, ઘણાએ લાજ રાખી છે.

- શ્રી કૈલાસ પંડિત

જીવતાં જે ભરોસો હતો ઈશ પર…

જીવતાં જે ભરોસો હતો ઈશ પર, એ મર્યા બાદ બેફામ સાચો પડ્યો,
જાત મારી ભલે ને તરાવી નહીં, લાશ મારી પરંતુ તરાવી દીધી.

- બરકત વિરાણી ‘બેફામ’